ზალკალიანი: ლოგიკურია რომ ასოცირების ხელშეკრულებას ხელს პრემიერი მოაწერს

პოლიტიკა - 20:41, 23 May, 2014

1585

საქართველოს საგარეო საქმეთა მინისტრის პირველი მოადგილის დავით ზალკალიანის განცხადებთ, ლოგიკურია, რომ სოცირების ხელშეკრულებას ხელს პრემიერ-მინისტრი ირაკლი ღარიბაშვილი მოაწერს.

"მე მანამდეც არაერთხელ განმიცხადებია, რომ ასოცირების ხელშეკრულების ხელმოწერის მოლაპარაკებების მთელი პროცესში ჩართული იყო საქართველოს მთავრობა. მე თვითონ გახლდით მთავარი მომლაპარაკებელი აღმასრულებელი ხელისუფლების წარმომადგენლებთან ერთად და ლოგიკურია, რომ საქართველოს მთავრობა აწერს ხელს ამ ხელშეკრულებას და ლოგიკურია ის გადაწყვეტილება, რომელიც მიღებულია", -განაცხადა ზალკალიანმა.

მინისტრის მოადგილე მიიჩნევს, რომ ასოცირების ხელშეკრულების ხელმოწერას ხელს არაფერი შეუშლის.

"ეს არის ხელშეკრულება, რომელიც მიმართულია ქვეყნის მოდერნიზაციისა და პროგრესისკენ. ვფიქრობ, რუსეთის ინტერესებშიც უნდა იყოს, რომ მათ ჰყავდეთ მეზობელი, რომელიც ეკონომიკურად არის განვითარებული, რომელსაც აქვს ძალიან მყარი დემოკრატიული ინსტიტუციები და ჩვენ დარწმუნებული ვართ, რომ მომავალშიც განვავითარებთ სავაჭრო ურთიერთობებს რუსეთის ფედერაციასთან. მკაფიოდ მინდა განვაცხადო, რომ ევროკავშირის ბევრი არაწევრი ქვეყანა, ძალიან წარმატებით ახერხებს ევროპასთან ინტეგრაციის პირობებში ჰქონდეს ნორმალური სავაჭრო ურთიერთობები რუსეთთან", - აღნიშნა მინისტრის მოადგილემ.