საქართველოს პრემირმინისტრი სასტუმრო „რადისონში“ ქართველ და უცხოელ ბიზნესმენებს ხვდება.

შეხვედრის დაწყებამდე ჟურნალისტებს ბიზნესომბუდსმენმა, გიორგი გახარიამ განუცხადა, რომ მსგავსი შეხვედრების რეგულარულობა ძალიან მნიშვნელოვანია:

"ეს არის მეორე შეხვედრა პრემიერსა და ბიზნესმენებს შორის. პირველ შეხვედრაზე პრემიერ-მინისტრი ბიზნესმენებს დაჰპირდა, რომ ასეთი შეხვედრები იქნებოდა რეგულარული, იქნებოდნენ ახალი სახეები, მოხდებოდა კომპანიების და მათი წარმომადგენლების როტაცია. კომუნიკაცია სახელმწიფოს უმაღლესი რანგის პირებსა და ბიზნესის წარმომადგენლებს შორის სისტემურ ხასიათს იღებს, რაც უმნიშვნელოვანესია",- აღნიშნა გიორგი გახარიამ.