“ჩვენი ქვეყნის მიმართ ინტერესი ძალიან დიდია”, - ამის შესახებ ბრიუსელში მყოფმა ვიცე-პრემიერმა კახი კალაძემ განაცხადა.

მისი თქმით, საქართველოს ადგილმდებარეობა პრინციპულად საერთაშორისო პროექტების განხორციელებისთვის მნიშვნელოვანია.

“ჩვენი ქვეყნის მიმართ ინტერესი ძალიან დიდია, რადგან ჩვენი ადგილმდებარეობა პრინციპულად მნიშვნელოვანია იმ საერთაშორისო პროექტების განხორციელებისთვის, როგორიცაა, მაგალითად, შაჰდენიზის მეორე ფაზა, რომელის განხორციელებაც 2014 წელს დაიწყება საქართველოს გავლით და დამატებით ბუნებრივი აირის მიწოდება მოხდება თურქეთსა და თურქეთის გავლით ევროპულ ქვეყნებზე. ჩვენ ყველა ამ საერთაშორისო პროექტში ვიღებთ მონაწილეობას და მომავალშიც გავაგრძელებთ, ასევე საუბარი იყო, რომ ჩვენი კანონმდებლობა იყოს დახვეწილი, ასევე სატარიფო მეთოდოლიგია ევროპასთან ჰარმონიაში უნდა მოვიდეს”, - განაცხადა კალაძემ.