ლალი მოროშკინა სასჯელარსრულების დეპარტამენტს პასუხობს და აცხადებს, რომ აღნიშნულ საკითხთან დაკავშირებით ეს არის მისი ბოლო კომენტარი.

მოროშკინამ „პირველ პრესკლუბში“ გამართულ პრესკონფერენციაზე ბანკიდან ამონაწერები მიიტანა, რომელიც მისი თქმით, წელიწადნახევრის გამავლობაში მის მიერ აღებულ ხელფასებს და პრემიებს ასახევს. როგორც მოროშკინა ცხადებს, საბოლოო ჯამში ეს არის ზალიან პატარა თანხა.

„შესაბამისად, მე მაინტერესებს, რის საფუძველზე გააკეთეს განცხადება, რომ მე მაქვს 30 000 აღებული. აქ იკვეთება დანაშაული და დისკრედიტაცია “საქართველოს ბანკის”, რადგან მე ამ ბანკში ვიღებ ხელფასს და ცხადია, რომ იყოს 30 000 დარიცხული, თქვენ ამას აქვე დააფიქსირებდით. მათ თანამონაწილედ გამოყვანეს, რომ მათთან ერთად მეც მქონია პრემიები აღებული. თუ ეს ქეშად ავიღე, ეს სისხლის სამართლი დანაშაულია, რომლის გამოც მეც უნდა ვისჯებოდე – როგორც ამღები და დეპარტამენტის თავმჯდომარე - როგორც გამცემი. ამ შემთხვევაშიც კანონი დარღვეულია”, - განაცხადა მოროშკინამ.

მოროშკინას თქმით, მას 1600 ლარი აქვს ხელფასი, პრემია კი გაცილებით ნაკლებია, რომელიც ყოველთვიურად არცაა გამოწერილი. პირველი 6 თვე პრემია საერთოდ არ გაცემულა.

რაც შეეხება, ბრალდებას, რომ ლალი მოროშკინა მანქანას ითხოვდა, სასჯელაღსრულების დეპარტამენტის ყოფილი მრჩეველის თქმით, მან სამსახურეობრივ ავტომობილზე უარი თავად თქვა და საკუთარი მანქანით გადაადგილდებოდა.

“მაქვს აქტი, რომელიც 2013 წლის 24 ივლისით თარიღდება, როდესაც “პეჟოს” მარკის მანქანა, რომელიც თანამდებობრივად მეკუთვნოდა, ავიღე და დეპარტამენტს ჩავაბარე, ვუთხარი, რომ მე მყავდა საკუთარი მანქანა და რა საჭიროა, სახელმწიფოს მანქანით დავდიოდე-მეთქი, თუმცა დეპარტამენტის მანქანა დიდი კომფორტი იყო, რადგან მას დაბურული მინები ჰქონდა“, - აღნიშნა მოროშკინამ.

მისივე თქმით, შარშან სექტემბერში მომხდარი სტიქიის გამო, მის პირად მანქანას მეხი დაეცა მაშინ, როდესაც მოროშკინა სამსახურეობრივ საქმეზე იმყოფებოდა, რის გამოც იგი იძულებული გახდა, ავტომობილის შესაძენად 27-000 ლარიანი სესხი აეღო.

ლალი მოროშკინა სამსახურიდან მისი გათავისუფლების გამო, სასამართლოში სარჩელის შეტანას აპირებს. მისივე თქმით, იგი გეგმავს პრემიერ ირაკლი ღარიბაშვილს შეხვდეს.