გიორგი ბარამიძე: "პრეზიდენტი არის პირველი პირი პრემიერი კი მესამე"

პოლიტიკა - 13:43, 21 May, 2014

2088

საპარლამენტო უმცირესობის ერთ-ერთი ლიდერი გიორგი ბარამიძე ფიქრობს, რომ ასოცირების ხელშეკრულებაზე ხელი საქართველოს პრეზიდენტმა უნდა მოაწეროს. ბარამიძის თქმით, საქართველოს პრეზიდენტი კონსტიტუციით არის პირველი, ხოლო პრემიერი ქვეყნის მესამე პირი. აღნიშნულთან დაკავშირებით, გიორგი ბარამიძემ კომენტარი დღეს გორში გააკეთა.
იგი საქართველოს პრეზიდენტის გუშინდელ განცხადებას გამოეხმაურა, სადაც მარგველაშვილმა განაცხადა, რომ მისი მოსაზრებით, ასოცირების ხელშეკრულებას ხელს პრეზიდენტი უნდა აწერდეს თუმცა ამასთან დაკავშირებით, პრობლემები არ შეიქმნება და მორიდებიან. "მე ვფიქრობ, რომ მოსარიგებელი და ჩასაწყობი არაფერი უნდა სჭირდეს, თუ ამ ინსტიტუტის პატივისცემა არსებობს. საქართველოს პრეზიდენტი კონსტიტუციით არის ნომერ პირველი პირი ქვეყანაში, ხოლო პრემიერი ნომერ მესამე, იმიტომ რომ, მეორე არის პარლამენტის თავმჯდომარე. გაუგებარია, რატომ უნდა გავაგზავნოთ ეს გზავნილი ჩვენ დასავლელ პარტნიორებთან, რომ ასეთ მნიშვნელოვან ხელშეკრულებას ხელს არ მოაწერს პირველი პირი, რომელსაც ეკუთვნის თანამდებობრივადაც ხელის მოწერა და მოაწეროს მესამე პირმა. იურიდიულად შესაძლებელია დეკრეტი გამოიცეს და მინისტრმა ან მინისტრის მოადგილემაც კი მოაწეროს ხელი, მაგრამ ეს რა გზავნილი იქნება და რა მოტივით უნდა გავაკეთოთ ეს, გაუგებარია აბსოლუტურად. ეს არის შიდა ინტრიგების გამოძახილი, რაც ძალიან სამწუხაროა." - განაცხადა გიორგი ბარამიძემ ასოცირების შეთანხმების შელშეკრულებას ხელი 27 ივნისს, ბრიუსელში მოეწერება. გიორგი ახალკაცი "ნიუპოსტი" გორი