„საქართველოს უნიკალური ადგილმდებარეობა ევროპას, კასპიის ზღვის რეგიონს, ცენტრალურ აზიასა და ჩინეთს შორის მზარდი სავაჭრო ნაკადის გამოყენებისა და კაპიტალიზაციის შესაძლებლობას იძლევა“, - ამის შესახებ ირაკლი ღარიბაშვილმა ბელგიაში, ჰარვარდის კლუბში სიტყვით გამოსვლისას განაცხადა.

მისი თქმით, საქართველო უზრუნველვყოფს უმოკლეს გზას შავი ზღვისა და კასპიის ზღვის რეგიონებს შორის.

"საქართველო კვლავ წარმოადგენს კასპიის ზღვის რეგიონიდან ბუნებრივი აირის ტრანსპორტირების უსაფრთხო გზას. აზერბაიჯანის, საქართველოსა და თურქეთის დამაკავშირებელი სარკინიგზო ხაზის მშენებლობა თითქმის დასრულებულია და ის კიდევ უფრო გაზრდის პროდუქციით ვაჭრობის მასშტაბებს მთელს რეგიონში. ჩვენ მსხვილ ინვესტიციებს ვახორციელებთ საგზაო ინფრასტრუქტურაში და ვგეგმავთ ახალი ღრმა წყლის პორტის მშენებლობას", - განაცხადა ღარიბაშვილმა.

პრემიერის შეფასებით, საქართველოს ეკონომიკა კარგ მდგომარეობაშია.

"ერთი სიტყვით, საქართველოს ეკონომიკა კარგ მდგომარეობაშია და მოსალოდნელია შემდგომი წინსვლაც. ევროკავშირისა და საქართველოს კონფერენცია ინვესტიციების თემაზე, რომლის ჩატარებაც დაგეგმილია თბილისში, 13 ივნისს, მიზნად ისახავს ღრმა და ყოვლისმომცველი თავისუფალი სავაჭრო ზონის ფარგლებში შეთავაზებული შესაძლებლობების განხილვას და ხაზგასმას. იმედი მაქვს, რომ ამ კონფერენციის ფარგლებში კიდევ ერთხელ შევხვდები ბევრ თქვენგანს, რათა უფრო დეტალურად განვიხილოთ, თუ როგორ შეუძლია საქართველოს, გაუხსნას გზა რეგიონში საქმიანობის წარმართვით დაინტერესებულ ბელგიურ კომპანიებს", - განმარტა ირაკლი ღარიბაშვილმა.