„საქართველოს ხელისუფლებამ , ფარული მოსმენების შესახებ კანონპროექტი, რაც შეიძლება სწრაფად უნდა დაამტკიცოს“, - ამის შესახებ საქართველოს პრეზიდენტმა გადაცემა „პოლიტიკის დროში“ სტუმრობისას განაცხადა. გიორგი მარგველაშვილი მიიჩნევს, რომ აღნიშნული კანონპროექტის დამტკიცება ხელისუფლების ინტერესშია.

"ხელისუფლების ინტერესშია, რაც შეიძლება სწარაფად იქნას ეს კანონი მიღებული, რადგან იქნება ეს რომელიმე დაუდევარი თანამშრომელი თუ გარედან არაკეთილსინდისიერი ადამიანი, ნებისმიერი თეთრი ლაქის შემთხვევაში ხელს ხელისუფლებისკენ იშვერენ. ჩვენ ვიცით , რომ ტექნოლოგიური საშუალებები ძალიან განვითარებულია და შესაძლოა არა მხოლოდ სახელმწიფოს ჰქონდეს, არამედ ჰქონდეს სხვა პირებსაც,"-განაცხადა გიორგი მარგველაშვილმა.

ჟურნალისტის კითხვაზე სმენია თუ არა მას იმ პრეცედენტების შესახებ, როდესაც ხელისუფლებას ოპოზიცია უსმენდეს, მარგველაშვილმა უპასუხა: - "მე ვიცი,რომ ბუნებაში ასეთი ტექნოლოგიები არსებობს. მე ვიცი, რომ ბუნებაში ასეთი რამე შესაძლებელია- ეს ერთი, მეორე ეს სკანდალი ყოველთვის იქნება ორიენტირებული ხელისუფლებაზე, იმიტომ,რომ კანონმდებლობაში არსებობს თეთრი ლაქები“.