უკრაინის საგარეო საქმეთა სამინისტრო რუსეთს ორი დღიან ვადას აძლევს იმისთვის, რომ განმარტოს რა მიზნით ატარებს მაისის ბოლოს სამხედრო წვრთნებს

უწყების ცნობით, 21-27 მაისს რუსეთის თავდაცვის სამინისტრო ქალაქებთან – ლიპეცკი, ვორონეჟი და რიაზანი სამხედრო საჰაერო ძალების წვრთნებს გეგმავს.

სწავლების აქტიური ფაზა კი 24-25 მაისს გაიმართება. სამინისიტროს ინფორმაციით, უკრაინა ეუთოს არხების მეშვეობით დაუკავშირდა რუსეთის ფედერაციას, მოთხოვნით, ოფიციალურად განმარტოს სწავლების მიზნები და დაასახელოს, რა რაოდენობის ძალებსა და საშუალებებს გამოიყენებს მასში.

"ვენის დოკუმენტის თანახმად, რუსეთი ვალდებულია შესაბამისი განმარტება წარმოადგინოს 48 საათის განმავლობაში მოთხოვნის მიღების მომენტიდან, ანუ 22 მაისის 17:00 საათამდე", – ნათქვამია უკრაინის საგარეო უწყების განცხადებაში.