თეთრი სახლი, სამზარეულო პროტოკოლით და მის მიღმა - ოფიციალური მიღებების დეტალები

პოლიტიკა - 20:56, 20 May, 2014

2488

როგორც ირკვევა აშშ-ს პრეზიდენტის ოჯახში, ისევე , როგორც ნებისმიერ ჩვეულებრივ ოჯახში, ყველა ღონისძიებაზე პასუხისმგებელი პრეზიდენტის მეუღლეა, თუ უფრო დავკონკრეტდებით პირველ ლედის ექვემდებარება პროტოკოლის სპეციალური სამსახური, რომელიც პასუხისმგებელია თეთრი სახლის ყველა ოფიციალურ ღონისძიებაზე.

აღნიშნული სამსახურის ხელმძღვანელი პირველად, ჯერ კიდევ 100 წლის წინ ედუარდ რუზველტის მეუღლის, თეოდორა რუზველტის მოთხოვნით დაიქირავეს. მას შემდეგ აღნიშნულ თანამდებობას ყოველთვის ქალი ხელმძღვანელობდა, თუმცა 2011 წელს პროტოკოლის სამსახურის ხელმძღვანელად პირველად, სამსახურის არსებობის ისტორიაში მამაკაცი -ჯერემი ბერნარდი დაინიშნა.

ჯერემი ბერნარდი

მან საზოგადოების ყურადღება არა მხოლოდ იმით მიიპყრო , რომ პირველი მამაკაცი იყო აღნიშნულ თანამდებობაზე, არამედ იმითაც, რომ ხმამაღლა განაცხადა საკუთარი არატრადიციული ორიენტაციის შესახებ.

მაშ ასე, პროტოკოლის სამსახური - ეს თეთრი სახლის ერთგვარი შიდა ,,ივენთ-სააგენტოა" და მას აჟამად ჯერემი ბერნარდი ხელმძღვანელობს.

ყველაზე მნიშვნელოვანი მოვლენა ქვეყნის პოლიტიკურ ცხოვრებაში ქვეყნის პრეზიდენტის ინაუგურაციაა. ინაუგურაციის ორგანიზებაში ერთვებიან არა მხოლოდ პროტოკოლის სამსახური, არამედ აშშ-ს კონკრესის კომიტეტი და ინაუგურაციის სპეიცალური კომიტეტი. კომიტეტი დაკავებულია იმ საკითხებით, რომელიც უშუალოდ ინაუგურაციის ცერემონიალთანაა დაკავშირებული - პრეზიდენტის ფიცი, სიტყვა და ლანჩი.

კომისია თავის მხრივ, პასუხისმგებელია ცერემონიის სხვა ღონისძიებებზე - აღლუმი, კონცერტი და ოფიციალური მეჯლისი.
კომისია პასუხისმგებელია არა მხოლოდ ღონისძიებაზე, არამედ პრეზიდენტის, პირველი ლედისა და ოჯახის წევრების უსაფრთხოებაზე.

მოგვიანებით კი, სტუმრები იკრიბებიან (ლანჩზე) ოფიციალურ ვახშამზე , რომელსაც ორგანიზებას 1901 წლიდან აშშ-ს კონგრესის საორგანიზაციო კომიტეტი მართავს. ვახშამი თეთრ სახლში იმართება და მას ყოფილი პრეზიდენტი და პირველი ლედი მასპინძლებს.ინაუგურაციის ოფიციალურ ნაწილს მეჯლისი ასრულებს.

ინაუგურაციის ყველა მცირედი თუ მნიშვნელოვანი პუნქტი სპეციალურ ვებ-გვერდზე თავსდება, მათ შორის ოფიციალურ ვახშამში შემავალი კერძების მენიუ. მაგალითად, 2013 წელს პირველ კერძად შეტანილ იქნა ლობსტერი სოუსით, ისპანახთან და ტკბილ კარტოფილთან ერთად , შემდეგ სტუმრებს შესთავაზეს ბიზონის ფილე შემწვარ წითელ კარტოფილთან ერთად. დესერტად შეირჩა ვაშლის ტორტი ნაღებით, ყველითა და თაფლით.

მნიშვნელოვანი ნაწილი ნებისმიერი ღონისძიებისა არის შეფ- მზარეულის შერჩევა.ბარაკ ობამას ინაუგურაციის სადღესასწაული ვახსამის მომზადება 2013 წელს სამ შეფ მზარეულს დაევალა, მათ შორის ერთ-ერთი და მთავარი მზარეული პრეზიდენტის ოჯახს ემსახურება.