მთავრობის ადმინისტრაციის უფროსის მოადგილე ნინო კობახიძე აცხადებს, რომ წყნეთში არსებული ქონება ახალმა ხელისუფლებამ მანანა გამსახურდიას დაუბრუნა, თუმცა არსებობს სხვა მოთხოვნებიც არჩვაძის მხრიდან, რომლებზეც სამუშაო ჯგუფი იმსჯელებს. ამის შესახებ კობახიძემ „პრაიმტაიმთან“ საუბრისას განაცხადა.

საუბარია სახელმწიფოს ფინანსურ ვალდებულებებზე, რაც შესასწავლია.

რაც შეეხება დაბა წყნეთში უძრავ ქონებას, ეს არის 4850 კვ. მეტრი სახელმწიფო საკუთრებაში არსებული მიწის ნაკვეთი, რომელიც სიმბოლურ ფასად საკუთრებაში მანანა არჩვაძე-გამსახურდიას გადაეცა.

ამასთანავე, არჩვაძეს აქვს პერსონალური სატრანსპორტო საშუალებით სარგებლობის უფლება.

პრეზიდენტის ქვრივი იღებს ყოველთვიურ პენსიას 6900 ლარის ოდენობით. რაც შეეხება მანანა არჩვაძის მოთხოვნებს, ნინო კობახიძე ჯერჯერობით არ აკონკრეტებს რა თანხაზეა საუბარი.