აჭარის მთავრობასა და დნეპროპეტროვსკის საოლქო საბჭოს შორის ურთიერთ თანამშრომლობის მემორანდუმი გაფორმდა, რომელიც ეკონომიკურ, კულტურულ და სამეცნიერო-ტექნიკურ სფეროში ორმხრივი თანამშრომლობის გაფართოებას ითვალისწინებს. შეიქმნება ხელსაყრელი პირობები მხარეთა რეგიონთაშორისი თანამშრომლობის განვითარებისთვის სოციალურ, ეკონომიკურ და ჰუმანიტარულ სფეროში. ასევე სოფლის მეურნეობის, ტურიზმის, საინფორმაციო ტექნოლოგიებისა და ელექტრონული მართვის განვითარებისთვის.

2014 წლის განმავლობაში ჩატარდება აჭარისა და ბათუმის დღეები დნეპროპეტროვსკში. გამოცდილებათა გაზიარების მიზნით შემუშავდება სხვადასხვა პროგრამა, მოხდება საექსპერტო მხარდაჭერის უზრუნველყოფა დნეპროპეტროვსკის რეგიონში სასოფლო-სამეურნეო კოოპერატივებისა და ბიზნეს ინკუბატორის შექმნისთვის პროექტის საჯარო პოზიციონირება ევროკავშირის დონეზე, უკრაინიდან ტუროპერატორებისა და მედიის წარმომადგენლებისთვის ინფო და პრესტურების მოწყობა ბათუმში.

„ყველაზე მთავარი და აქტუალური რაც უახლოეს პერიოდში ფანხორციელდება მემორანდუმის ფარგლებში არის ის, რომ 4 ივნისიდან დაინიშნება პირდაპირი ავია რეისები დნეპროპეტროვსკიდან. ეს კი მოგვცემს საშუალებას მოვიზიდოთ ქალაქში ტურისტები, პირდაპირი რეისები ხელს შეუწყობს მათ გადაადგილებას.ჩვენ გავუზიარებს ერთმანეთს გამოცდილებებს, რომლებიც ჩვენს რეგიონებში გაგვაჩნია. დნეპროპეტროვსკის მხრიდან დაინტერესებული არიან სოფლის მეურნეობის, ქალაქ-განვითარების, ასევე ენერგო მომარაგების კუთხით გამოცდილების გაზიარებით“-განაცხადა არჩილ ხაბაძემ მემორანდუმის გაფორმების შემდეგ.