მოსმენების შესახებ კანონპროექტს პარლამენტი თვის ბოლომდე განიხილავს. გადაწყვეტილება იუსტიციის სახლში დავით უსუფაშვილთან გამართული კონსულტაციების შედეგად მიიღეს.

„მივიღეთ გადაწყვეტილება, რომ ამ თვის ბოლმდე პარლამენტი აუცილებლად შეიკრიბება და აბსოლუტურად ყველა საკითხი, რომელიც იყო განხილული და კენჭსაყრელია დარჩენილი, ამაზე იქნება გადაწყვეტილება მიღებული. საერთო განწყობა კი ამასათან დაკავშირებით არის ის, რომ ჩვენ ამ კანონებს მივიღებთ. სადავო საკითხი ამ კანონთან დაკავშირებით არ არის დარჩენილი, პირველი მოსმენით ეს კანონი იქნება მიღებული, იქნება სამუშაო ჯგუფი, რომელიც მეორე მოსმენამდე კანონის დაზუსტებულ ვარიანტს შემოიტანს“,- განაცხადა საპარლამენტო უმრავლესობის წევრმა ირაკლი ჩიქოვანმა.

უმრავლესობა და უმცირესობა საკანონმდებლო პაკეტის გარკვეულ ნაწილზე ვერ თანხმდება. არასამთავრობოების მსგავსად განხილვის თემაა, კონკრეტულად სად უნდა იყოს მიყურადების აპარატურის ე.წ. გასაღები.