სასჯელაღსრულებისა და პრობაციის დეპარტამენტის მრჩეველი ლალი მოროშკინა შვეიცარიას პოლიტიკურ თავშესაფარს სთხოვს. ამის შესახებ მოროშკინა „ფეისბუქზე“ წერს.

„დავიღალე წერილებზე პასუხის გაცემით! თურმე რა დარღვევები ფიქსირდება სასჯელაღსრულებაში, თურმე როგორ სცემენ პატიმრებს, თურმე როგორ ჰყავთ იზოლაციაში ვაჟკაცი ბიჭები, ხოლო „ნასედკებს" აგულავებენ, თურმე როგორ შედის „განგრეულ კაიფში" დარბაისელი სისტემაში, თანაც ორი იარაღით, თურმე როგორ უზის ადმინისტრაცია წილებში მოთამაშეებს, თურმე...

ყველა სამართლის აღდგენას ჩემგან ელოდება! სად იყავით აქამდე? იცით რას გეტყვით? პროტესტი დავაფიქსირე სასამართლოში, შ.ს.ს.-ში, სახალხო დამცველთან, კახი კალაძესთან, უფლებადამცველებთან და ჟურნალისტებთან! და ისიც ვთქვი, რომ თუ პრემიამიღებული ზონდერები არ დააბრუნებენ საბიუჯეტო თანხებს და არ წარსდგებიან სასამართლოს წინაშე, შიმშილობასაც გამოვაცხადებ და შვეიცარიასაც მოვთხოვ თავშესაფარს! ჩემთან კი ნუ წუწუნებთ, გაიარეთ იგივე გზა! ბრძოლას ყოველთვის აქვს აზრი!",- წერს მოროშკინა.