თავდაცვის ყოფილი მინისტრი დიმიტრი შაშკინი დარიალის ხეობაში ვერტმფრენების მუშაობას ,,ფეისბუქის“ გვერდზე ეხმიანება და აღნიშნავს, რომ მი 8 და იროკეზი არ არის გათვლილი მთაში სამუშაოდ. შაშკინი სამარცხვინოს უწოდებს იმ ფაქტს, რომ პრემიერმა ვერტმფრენი ადგილზე დაუტოვა და თავად მანქანით გამოემგზავრა.

,,დარიალის ხეობის ფოტოებზე ჩანს, რომ ტრაგედიის ზონაში მუშაობს ორი ვერტმფრენი: ძველი მი 8 და იროკეზი (რომელიც არ არის გათვლილია მთაში მუშაობაზე). სად არის უახლესი, ყველაზე თანამედროვე ვერტმფრენები Super Puma, რომელიც 2013-ში ჩამოვიდა და თავდაცვამ აბსოლუტურად უგუნურად გადასცა ეკონომიკის სამინისტროს? გუშინ რომ გააპიარეს, პრემიერმა ვერტმფრენი დაუტოვა და თვითონ მანქანით წამოვიდა, კარგი ამბავი ჰგონიათ? სამარცხვინოა“, - წერს შაშკინი.