დარიალში მომხდარი ტრაგიკული მოვლენების შესახებ კომენტარს მცხეთა-მთიანეთის რწმუნებულ-გუბერნატორი აკეთებს. ნუგზარ ყიფიანის განცხადებით, ქვა-ღორღმა ორი ტრაილერი მოიყოლა, რომელთა მძღოლებს სავარაუდოდ შემთხვევის დროს ეძინათ:

„მყინვარწვერიდან არის წამოსული ქვა-ღორღის ნაშალი, ჩამოიშალა უზარმაზარი ხეობა და თერგის კალაპოტი გადაკეტა. ამ მონაკვეთში გზა აღარ არსებობს. ვიცით, რომ არის ერთი დაშავებული, რომლისთვისაც საკაცე გადააქვთ მთამსვლელებს. აქ კომუნიკაცია არ არის, ფეხით სიარული შეუძლებელია. როგორც ცნობილია, ორი ტრაილერი, რომელთა მძღოლებსაც ღამით ეძინათ, ეს ტრაილერები ამ ქვა-ღორღით არის დაფარული“, - განაცხადა მცხეთა-მთიანეთის სახელმწიფო რწმუნებულ-გუბერნატორმა ნუგზარ ყიფიანმა.