ევროკომისარმა გაფართოებისა და ევროპული პოლიტიკის საკითხებში შტეფან ფულემ განაცხადა, რომ ევროკავშირი მზად არის 27 ივნისს ხელი მოაწეროს უკრაინასთან ასოცირების ხელშეკრულების ეკონომიკურ ნაწილს.

"რამდენიმე ხნის წინ ჩვენ მოლაპარაკებები გავმართეთ ასოცირების შეთანხმებაზე და ის მზად არის. ევროკავშირის წევრმა ქვეყნებმა, ისევე როგორც ევროპარლამენტმა და ევროკომისიამ დააფიქსირეს საკუთარი პოზიცია და ახლა უკვე უკრაინის პარლამენტმა და ხელისუფლებამ უნდა მიიღოს გადაწყვეტილება საპრეზიდენტო არჩევნების შემდეგ, როგორი იქნება შემდგომი პროცედურა. ასოცირების შეთანხმების ეკონომიკური ნაწილის ხელმოწერა ახლა მხოლოდ უკრაინულ მხარეზეა დამოკიდებული", - განაცხადა შტეფან ფულემ.