სასჯელაღსრულების მინისტრის მრჩეველი ლალი მოროშკინა შინაგან საქმეთა სამინისტროს მისი უსაფრთხოების უზრუნველყოფის მოთხოვნით მიმართავს.

ამის შესახებ მოროშკინა „ფეისბუქზე“ წერს.

„ჩემს წინააღმდეგ დაიწყო დივერსიული მუშაობა ტექნიკური საშუალებების და არაიდენტიფიცირებული სოც.ქსელების მომხმარებლების გამოყენებით. მივმართავ შ.ს.ს.უზრუნველყონ ჩემი უსაფრთხოება! იმისათვის, რომ ჩემი ნათქვამი არ იყოს უსაფუძვლო გთავაზობთ 2012 წლის 15 ნოემბერის იუსტიციის მინისტრ თეა წულუკიანის ბრიფინგის ამონარიდს ჩემს მიერ დასახელებული ზონდერების საქმეზე:

„დაკავებულია ცხრა ადამიანი, შინაგან საქმეთა სამინისტროს ყოფილი ჩინოსნები, რომლებსაც ბრალი ედებათ იმაში, რომ მათ გამოიყენეს თანამედროვე ტექნოლოგიები, კომპიუტერული ქსელი, რათა ადამიანების პირადი ცხოვრება, მათ შორის კომერციული და ფინანსური ინფორმაცია გაეტანათ"(ამონარიდი გ. ყავლაშვილის საქმიდან)“ - წერს მოროშკინა.