იუსტიციის მინისტრი თეა წულუკიანი სასჯელაღსრულების მინისტრის და მისი გუნდის მუშაობას დადებითად აფასებს. როგორც გადაცემა „რეაქციაში“ წულუკიანმა განაცხადა, სუბარს რთული უწყება ჩაბარდა, თუმცა „მან ბევრი სირთულით ამ სისტემას მიხედა“.

„სოზარ სუბარს ყველაზე მძიმე უწყება ჩაბარდა. მან ბევრი სირთულით ამ სისტემას მიხედა. იდეალური ეს სისტემა არ არის. მინდა ხაზი გაუსვა მისი გუნდის წევრების მუშაობას. მხოლოდ მისი ერთი მოადგილე არჩილ თალაკვაძე, რომ აიღოთ მთელ „ნაციონალებს“ ჯიბეში ჩაისვამს. ამ გუნდმა ციხეში ისეთი სამედიცინო მკურნალობა შეიტანა, მათ შორის C ჰეპატიტი, რომ მიხუმრია სოზარისთვის - შენ ისე მკურნალობ C ჰეპატიტს, თუ ეს დაავადება შეხვდა მოვითხოვ ციხეში ჩამსვა-თქო“, - განაცხადა თეა წულუკიანმა.