ირაკლი ოქრუაშვილი ამჯერად გორის ვიცე მერობისთვის იბრძვის.

„ქართული პარტია“ წინასაარჩევნო კამპანიის ფარგლებში გორის მოსახლეობასთან შეხვედრებს მართავს. მერობის კანდიდატს კახა ერგემლიძეს მოსახლეობასთან შეხვედრებზე ყოფილი მაღალჩინოსანი ირაკლი ოქრუაშვილიც დაჰყვება, რომელიც ერგემლიძის გამარჯვების შემთხვევაში გორის ვიცე მერობას გეგმავს. „ქართული პარტიის“ გორის მერობის კანდიდატმა და ყოფილმა თავდაცვის მინისტრმა შეხვედრა დღეს გორში სადგურის დასახლებაში მცხოვრებ მოსახლეობასთან გამართეს და მათ არჩევებზე მხარდაჭერისაკენ მოუწოდეს.

სააკაშვილის ხელისუფლების ყველაზე სკანდალური მინისტრი ირაკლი ოქრუაშვილი არაერთი მცდელობის მიუხედავად, გორის მერობის კანდიდატად არ დაარეგისტრირეს, თუმცა მან „ქართული პარტიის“ გორის მერობის კანდიდატად მისი თანაგუნდელი კახა ერგემლიძე დაასახელა ოქრუაშვილს იმედი აქვს რომ ერგემლიძე მოახლოვებულ თვითმმართველობის არჩევნებზე გამარჯვებას მოიპოვებს და გორის მერი გახდება. რაც შეეხება ყოფილ მაღალჩინოსანს იგი გორის ვიცე მერობას აპირებს.

გიორგი ახალკაცი „ნიუპოსტი“ გორი