შალვა ნათელაშვილი - ივანიშვილმა მწარედ გადააგდო თბილისი და მთელი საქართველო

პოლიტიკა - 13:14, 16 May, 2014

1486

"ლეიბორისტული პარტიის" ლიდერი შალვა ნათელაშვილი მზადაა თბილისის საკრებულოს უხელმძღვანელოს. ამის შესახებ პირველმა მშრომელმა დღეს გამართულ ბრიფინგზე განაცხადა.
„მივიღე გადაწყვეტილება იმის შესახებ, რომ მზად ვარ ავიღო პასუხისმგებლობა და დავიკავო თბილისში საკრებულოს თავმჯდომარის პოსტი, თუ ჩემი დედაქალაქელები მასობრივად დაგვიჭერენ მხარს და თუ გავიყვანთ უმრავლესობას, ანუ 50-დან 26 დეპუტატს“, - განაცხადა შალვა ნათელაშვილმა.
„ლეიბორისტული პარტიის“ თავმჯდომარე გამარჯვების შემთხვევაში, არსებული პარლამენტის დათხოვნას და ახალი საპარლამენტო არჩევნების ჩატარებას აანონსებს.

„ასევე, მოხდება ახალი მთავრობის ფორმირება, რომელიც ჩვენს ქვყანას ამ შავბნელი ეპოქიდან განვითარების ახალ გზაზე გაიყვანს, შექმნის სახალხო საგარეო და საშინაო პოლიტიკას, ხოლო დედაქალაქში, თბილისში, მთელი რესურსი, რაც ამ ქალაქს გააჩნია და დღეს მილიონერთა კლუბის ინტერესებს ხმარდება, ყველა რესურსი თქვენს ოჯახებში გადაიქაჩება.
ჩვენი გამარჯვება თბილისის საკრებულოში, იქნება კარგი თბილისური პანჩური, მატყუარა მაფიოზა ივანიშვილისათვის, რომელმაც მწარედ გადააგდო თბილისიც და მთელი საქართველოც“- განაცხადა შალვა ნათელაშვილმა.