შრომის, ჯანმრთელობისა და სოციალური დაცვის მინისტრი დავით სერგეენკო სასჯელაღსრულების სამინისტროს თანამშრომლებზე გაცემულ მაღალ პრემიებს ეხმაურება. როგორც სერგეენკომ მთავრობის სხდომის დაწყებამდე განაცხადა, სოზარ სუბარი კარგი მენეჯერია და ის მისი უწყების მისამართით დასმულ ყველა კითხვას პასუხს გასცემს.

„სოზარი ეფექტური მენეჯერია და ურთულეს სისტემას უძღვება. არ ვარ სისტემის დეტალებში გარკვეული, მაგრამ შემიძლია გითხრათ, რომ ჯანდაცვითი ნაწილი რაც იყო სასჯელაღსრულებაში შეუდარებელია იმასთან შედარებით რაც იყო. მე ზუსტად არ ვიცი სახლეფასო განაკვეთი, თუ ეს 40 ათასი წლიური შემოსავალია გამოდის, რომ 3 ათასზე ცოტა მეტია ხელფასი. თუ ეს ერთჯერადი პრემიაა, გამოდის, რომ რაღაც მართლაც გამორჩეული გააკეთა ამ თანამშრომელმა“, - განაცხადა სერგეენკომ.