,,ილია ჭავჭავაძის საზოგადოების“ თავმჯდომარე თამარ ჩხეიძე 17 მაისს დაანონსებულ აქციას და საზოგადოებრივი ჯგუფების პოზიციას ,,ფეისბუქის“ გვერდზე ეხმიანება:

,,წავიკითხე ინფორმაცია, ახალგაზრდული ჯგუფის მიერ 17–ში განზრახული გამოსვლის შესახებ ისევ და ისევ გეების საკითხზე. არის დაანონსებული რკინიგზების და ქუჩების გადაკეტვა, რაც იმედია ჩაიშლება, მაგრამ საერთოდ ძალიან მაშფოთებს ჩვენი საზოგადოების დიდი ნაწილის არაადეკვატურობა, რადგან ამას ყოველთვის მტერი საქართველოს წინააღმდეგ იყენებს. ჩემთვის, რა თქმა უნდა, მიუღებელია ჰომოსექსუალიზმის ხელშეწყობა და ლამის ღირსებად დასახვა ( ესეც არაადეკვატურობაა!), მაგრამ კიდევ უფრო საშიში და დესტრუქციულია აგრესია და ფიზიკური ძალადობა, რაც მთავარია, ამ ნიადაგზე ქვეყნის დესტაბილიზაცია აშკარად ოკუპანტის შეკვეთით! ამიტომ, გავრცელებულ ინფორმაციას ასეთი კომენტარი მივაწერე:–

"ასეთი დიდი აჟიოტაჟი და საქართველოსთვის მთავარ საკითხად ამ საკმაოდ მცირე ჯგუფის გადაქცევა ( ასეთები ყოველთვის და ყველგან იყვნენ)– ეს ჩვენი მტრის– ოკუპანტის პროვოკაციაა. იგი აგერ თბილისთანაა მომდგარი, გონს მოდით, ქართველებო! ასეთი არაადეკვატურები რომ ვიყავით ყოველთვის უახლეს ისტორიაში, იმიტომ ვართ ასეთ დღეში!",- წერს თამარ ჩხეიძე.