უფლებადამცველი გიორგი ფარესიშვილი პროკურატურისა და გელა ხვედელიძეს შორის გარიგებაზე საუბრობს. განცხადება მან "პრაიმტაიმის" პრესკლუბში გააკეთა.

"ხვედელიძეს შეეძლო დაესახელებინა სხვა პიროვნებები, რომელთაც მასთან ერთად დანაშაული ჩაიდინეს, თუმცა ხელისუფლებას მათი გამოაშკარავება არ აწყობს", - აცხადებს ფარესიშვილი.

მისივე თქმით, პროკურატურის განცხადება იმასთან დაკავშირებით, რომ საქალაქო სასამართლოს მიერ მიღებული გადაწყვეტილება , სააპელაციოში გასაჩივრდება ფარსია.

"ფარსია ის განცხადებები რომელითაც პროკურატურა ამბობს რომ სააპელაციო სასამართლოში გაასაჩივრებს საქალაქოს გადაწყვეტილებას. რადგანაც სააპელაციო სასამართლო ძირითადად საქალაქოს მიერ მიღებულ გადაწყვეტილებას ტოვებს ძალაში. ფაქტია რომ პროკურატურასა და ხვედელიძეს შორის გარიგება შედგა. ამ გარიგების შედეგია ის რომ დღემდე ამ საქმის მთავარი შემოქმედი ნუგზარ ფოფხაძე, გიორგი მამაცაშვილი და გელა ნაცვლიშვილი არავის დაუკითხავს. მე გარიგებაზე ეჭვს მიღრმავებს ის გარემოება რომ პროკურატურას ჰქონდა ჩემს მიერ მიწოდებული კონკრეტული მტკიცებულებები ფოფხაძესთან დაკავშირებით რომლის გამოყენებაც არ მოხდა", - აცხადებს ფარესიშვილი.