საქართველოს პრეზიდენტი გიორგი მარგველაშვილი თურქეთში, ქალაქ მანისას პროვინციაში მომხდარი ტრაგედიის გამო მწუხარებას გამოთქვამს.

პრეზიდენტის განცხადება აღნიშნულთან დაკავშირებით „ფეისბუქის“ ოფიციალურ გვერდზე ვრცელდება:

„მწუხარებას გამოვთქვამ თურქეთში, მანისას პროვინციის ქალაქ სომაში მაღაროს აფეთქების შედეგად მომხდარი ტრაგედიის გამო, რომლის დროსაც ქვეყანამ უზარმაზარი დანაკარგი განიცადა - 200-ზე მეტი მაღაროელი დაიღუპა, ასობით ადამიანი დაშავდა და მრავალი მათგანი ჯერ კიდევ დაკარგულად ითვლება.

ამ დიდი მწუხარების ჟამს, მინდა ქართველი ერის სახელით გულწრფელად მივუსამძიმრო დაღუპულთა ოჯახებს და თანაგრძნობა გამოვუცხადო თურქეთის ხელისუფლებასა და მთელ თურქ ხალხს.“, - ნათქვამია განცხადებაში.