უმცირესობის წევრი გოგა ხაჩიძე ხელისუფლების მიერ გაკეთებულ განცხადებას მოსასმენი აპარატურის დაკარგვასთან დაკავშირებით, პლენარულ სხდომაზე პასუხობს.

მისი თქმით, ხელისუფლებას მსგავსი განცხადებებით „საკუთარი თავი შეჰყავს ჩიხში“.

"2 კვირის წინ ამ დარბაზში ვთქვი, რომ ჩვენ ყველას გვისმენენ, მაშინ ყველა ჩამწკრივდით და თქვით, რომ ეს არასერიოზულია. არასერიოზულად შეიძლება იმიტომ გეჩვენებოდათ, რომ მოსმენა მარტო კი არა, ფერადი, HD ხარისხით გადაღებები მიდის უკვე დამოუკიდებელი ტელეკომპანიების ოფისებში. ახლა მეორე აბსურდს მიადექით. თქვენ,რაღაც კასკადს ალაგებთ, ხოლმე და ისეთ პასუხს გვცემთ, რომ საკუთარი თავი შეგყავთ ჩიხში და შემდეგ გამოსავლის მოსაძებნად უარესი ასბურდის მოფიქრება გიწევთ. ორი კვირის შემდეგ, მივადექით იმას, რომ პორტატული აპარატები ქვეყანაში თურმე წელიწადზე მეტია, ვიღაცას მოუპარავს და იმით ისევ ჩვენ გისმენთ და ახლა ამ აპარატების მოძებნა უნდა გახდეს თურმე მთავარი თემა. ძალიან სასაცილოა, ჰაკიმ ფაშას შიშით ცაში ფრინველს ვერ გაუფრენია და მიწაში კასრი ვერ დამალულა და წელიწადნახევარია ეს პორტატული აპარატები ვერ მოძებნეთ ქვეყანაში, თუმცა ზუსტად ვიცი, რომ რაღაცა უბედურებას გამონახავთ ახლა და ვიღაცა ადამიანსაც, რომელიც ამ ყველაფერს თავის თავზე აიღებს და ახალ ჩიხში შებრძანდებით", - განაცხადა გოგა ხაჩიძემ.