გია თევდორაძე:ყოფილი პრეზიდენტი ნიუ იორკიდან და ყოფილი პრემიერი მატროსოვიდან მართავს პროცესებს

პოლიტიკა - 13:44, 14 May, 2014

1692

საპარლამენტო უმცირესობის წევრი გიათევდორაძე პარლამენტის დღევანდელ პლენარულ სხდომაზე სასჯელაღსრულების დეპარტამენტში გაცემულ მაღალ ხელფასებს გამოეხმაურა.
გია თევდორაძემ კოლეგის, ირმა ნადირაშვილის იმ განცხადებაზე გაამახვილა ყურადღება გამოემაურა, სადაც ნადირაშვილმა დეკემბრის თვეში, სასჯელაღსრულების დეპარტამენტში გაცემული ხელფასები გაასაჯაროვა.

„ჩვენ დღეს ვცხოვრობთ ქვეყანაში, სადაც ყოფილი პრეზიდენტი ნიუ იორკიდან და ყოფილი პრემიერი მატროსოვიდან მართავს პროცესებს. ვცხოვრობთ ქვეყანაში, სადაც თურმე ოპოზიცია უსმენს ხელისუფლებას, სადაც დაპირებები გადაჭარბებით არის შესრულებული. ვცხოვრობთ ქვეყანაში, სადაც ყველაფერი ძალიან კარგად მიდის. კრიმინოგენული ვითარება სტატისტიკაში კარგად არის ასახული. ირმა ნადირაშვილი ბრიფინგიდან, რაც გავიგეთ, ამ საოცარ სტანდარტებსა და კრიტერიუმებს სცილდება. არ ვარ წინააღმდეგი ადამიანები თავიანთი კომპეტენციის შესაბამისად იღებდნენ ხელფასებს და იყვნენ წახალისებულები. თუმცა იმ დროს, როდესაც ქვეყანაში პომპეზურად არის ჩათვლილი 26 მაისის აღლუმი, თურმე ამ ადგილის მოწესრიგება, სადაც ჩვენ ვიმყოფებით, არ შეუძლია ქვეყნის ბიუჯეტს. 39 000 ლარს იღებდეს ერთი კონკრეტული ადამიანი, არა მარტო ლოგიკურობის, ზნეობრიობის პროცესსაც სცილდება. ეს თანხა 22 წლის ასაღები პენსიაა.იმედს ვიტოვებ, რომ ამ ფაქტს გარკვეული გამოხმაურება ექნება,“ - აცხადებს თევდორაძე.