ევროპული საბჭოს პრეზიდენტის თქმით, „საქართველო არ უნდა ჩადგეს მსხვერპლის პოზიციაში იმ ადამიანების და ქვეყნების წინაშე, რომლებსაც უნდათ დაყოფა და გაბატონება“.

როგორც ჰერმან ვან რომპეიმ ევროპის სახლში გამართულ საჯარო ლექციაზე განაცხადა, ევროკავშირთან ასოცირების ხელშეკრულება არ არის საბოლოო და ერთადერთი მიზანი საქართველოსა და ევროკავშირის თანამშრომლობის.

"რეგიონში მომხდარმა მოვლენებმა გვაჩვენა, რომ არსებობს გარეშე გამოწვევა და წარსულში საქართველომ თავის თავზეც იწვნია ეს. როდესაც საქართველომ აირჩია პოლიტიკური და ბაზრის თვალსაზრისით ინტეგრირება ევროგაერთიანებასთან, ეს არ უნდა იყოს აღქმული როგორც ერთადერთი შესაძლებელი გზა. რუსეთი არის მეზობელი, რომელთანაც საჭიროა თანამშრომლობა, მაგრამ წინაპირობა ამ თანამშრომლობის არის ქვეყნის ტერიტორიული მთლიანობის აღიარება. საქართველოს უნდა ესმოდეს, რომ მან თავი უნდა დაიცვას შესაძლო რისკებისგან, არ უნდა მისცეს უფლება სხვას დააშინოს, არ უნდა ჩადგეს მსხვერპლის პოზიციაში იმ ადამიანების, ქვეყნების წინაშე, რომლებსაც უნდა დაყოფა და გაბატონება", - განაცხადა ჰერმან ვან რომპეიმ.