,,სერიოზული ზეწოლა არსებობს იმისთვის, რომ ხელი შეგეშალოთ ხელშეკრულებაზე ხელმოწერისას"

პოლიტიკა - 12:14, 14 May, 2014

1264

რუსეთთან ჩვენი პოლიტიკა, რომ წარმატებული არ იყოს, საქართველოში არ ვიქნებოდი და ასოცირების ხელშეკრულებაზე ხელი არ მოეწერებოდა , - ამის შესახებ საქართველოს პრემიერ-მინისტრთან ერთობლივ პრესკონფერენციაზე ევროპული საბჭოს პრეზიდენტმა ჰერმან ვან რომპეიმ განაცხადა.

"რამდენად წარმატებულია ჩვენი პოლიტიკა რუსეთთან? ეს პოლიტიკა წარმატებულია. ეს, რომ ასე არ ყოფილიყო, აქ არ ვიქნებოდი და არ მოვაწერდით ხელს ასოცირების ხელშეკრულებაზე ხელს სამ ქვეყანასთან რამდენიმე კვირის განმავლობაში. რა თქმა უნდა, არსებობს ტერიტორიული მთლიანობის ხელყოფის ფაქტი, მაგრამ ეს ხელს არ შეგვიშლის გავაგრძელოთ ასოცირების პოლიტიკა მთავარ პარტნიორებთან და საქართველო ერთ-ერთი მთავარი პარტნიორია", - აღნიშნა რომპეიმ.

,,სერიოზული ზეწოლა არსებობს, რომ საქართველოს ასოცირების ხელშეკრულების გაფორმებაში ხელი შეეშალოს, თუმცა ხელმოწერის პროცესი გრძელდება."- აღნიშნა რომპეიმ.

"ჩვენ გვინდა დავამყაროთ კარგი მეზობლური ურთიერთობები რუსეთთან, მაგრამ მას შემდეგ, რაც მოხდა აქ, ყირიმში, პრობლემა წარმოიშვა, რადგან, ტერიტორიული მთლიანობის ხელყოფა საერთაშორისოდ აღიარებული საზღვრების უპატივცემულობა, არასტაბილურობას უყრის საფუძველს. რამდენად წარმატებულია ჩვენი პოლიტიკა? ჩვენ მტკიცედ მივდევთ ამ ხელშეკრულების ხელმოწერის კვალს, რომ საქართველოს, უკრაინას, მოლდოვას მჭიდრო ურთიერთობა დაუმყარდეთ ევროკავშირთან. ჩვენთვის გეოპოლიტიკური არჩევანი არ არის. თქვენ გსურდათ ასოცირების ხელშეკრულება, ჩვენც გვსურდა. ეს იყო პროცესი, რომელიც ნიშნავდა თქვენი მხრიდან სხვადასხვა მოთხოვნების დაკმაყოფილებას. ვხედავ, სერიოზული ზეწოლა არსებობს იმისთვის, რომ ხელი შეგეშალოთ ამ ხელშეკრულებაზე ხელმოწერისას, მაგრამ ჩვენ მტკიცეთ ვდგევართ, ვაგრძელებთ პროცესს, მიუხედავად იმისა, რომ გარე ზეწოლა საკმაოდ მაღალია", - აღნიშნა რომპეიმ.