„ევროკავშირისგან საქართველოსთვის გამოყოფილი 30 მილიონი ევრო ასოცირების შესახებ შეთანხმების განხორციელებაში ჩართული საჯარო ინსტიტუტების მოდერნიზაციისკენ იქნება მიმართული“, - ამის შესახებ საქართველოს პრემიერ-მინისტრმა ევროპული საბჭოს პრეზიდენტთან ერთობლივი ბრიფინგის დროს განაცხადა.

ირაკლი ღარიბაშვილი იმედოვნებს, რომ ევროკავშირი მომავალშიც გააგრძელებს საქართველოს მხარდაჭერას.

„მივესალემებით ევროკომისიის გადაწყვეტილებას, რომ „მეტი მეტისთვის“ პრინციპის ფარგლებში საქართველოს გამოეყოს 30 მილიონი ევროს ოდენობით დახმარება. ეს თანხა მიმართული იქნება ასოცირების შესახებ შეთანხმების განხორციელებაში ჩართული საჯარო ინსტიტუტების მოდერინაზაციისკენ, ასევე სოფლის მეურნეობასთან დაკავშირებული ბიზნესის კონკურენტუნარიანობის გაზრდისა და ევროკავშირთან სავაჭრო ურთიერთობის გაძლიერებისკენ. იმედი მაქვს მომავალშიც გააგრძელებს ევროკაშირი საქართველოს მხარდაჭერას ყველა შესაბამისი ინსტიტუტის დახმარებით“, - განაცხადა ირაკლი ღარიბაშვილმა.