მრავალპროფილიანი ჰოლდინგი „შაპურჯი პალონჯი“ 25-ზე მეტ სამშენებლო კომპანიას აერთიანებს, მათ შორის „აფკონსსაც“, რომელიც საქართველოში ინფრასტრუქტურული პროექტების განხორციელების პროცესებში ჩართვით არის დაინტერესებული.

საქართველოს რეგიონული განვითარებისა და ინფრასტრუქტურის სამინისტროს პირველმა პირებმა ინდური კომპანიის წარმომადგენლებს სამინისტროს ძირითადი მიმართულებები გააცნეს და ისაუბრეს იმ პროექტებზე, რომელსაც უწყება ახორციელებს როგორც საგზაო სექტორის, ისე გვირაბების მშენებლობის მიმართულებით.

„შაპურჯი პალონჯის“ წარმომადგენლებმა გამოთქვეს იმედი იმისა, რომ საქართველოში არაერთი მნიშვნელოვანი პროექტის განხორციელებაში მიიღებენ მონაწილეობას. ინდურ მხარესთან თანამშრომლობისათვის მზაობა გამოხატა ქართულმა მხარემაც.