საგარეო საქმეთა მინისტრი სოხუმსა და იტალიიის ერთ-ერთ ქალაქს შორის მემორანდუმის გაფორმების ფაქტს ეხმაურება.

მაია ფანჯიკიძის განმარტებით, ოკუპირებულ აფხაზეთთან იტალიის ქალაქების დამეგობრება კერძო ინიციატივაა.

მისივე თქმით, დამეგობრების შესახებ ხელშეკრულება ლეგალური არ არის.

“იტალიის მთავრობის პოზიცია საქართველოს სუვერენიტეტთან დაკავშირებით ურყევია და ეს შეიძლება შეფასდეს, როგორც კერძო ინიციატივა, რომლის შესახებაც ჩვენ იტალიის ელჩს და იტალიურ მხარეს ჩვენს დამოკიდებულებას გავაცნობთ”, - განაცხადა ფანჯიკიძემ.

სოხუმმა იტალიის ერთ-ერთ ქალაქთან მეგობრობისა და თანამშრომლობის შეთანხმება გააფორმა. დოკუმენტის თანახმად, სოხუმი ქალაქ სანტ-ანტიოკოს დაუმეგობრდა, რომელიც იტალიაში სარდინიის რეგიონში მდებარეობს და რომლის მოსახლეობა 11 ათასზე მეტ ადამიანს შეადგენს.