საქართველოს განათლების ყოფილი მინისტრი კახა ლომაია ხელისუფლებას კითხვით მიმართავს:
„იყო თუ არა სწორი ზურაბ ჟვანიას გარდაცვალების ოფიციალური დასკვნა?“.

როგორც ლომაია „ფეისბუქზე“ წერს, დიდ კითხვებზე პასუხების მიღების აქტუალობამ მას შემდეგ იმატა, რაც ირაკლი ალასანიამ აღიარა, რომ 2008 წლის ომის ინიციატორი რუსეთი იყო.

„მას შემდეგ, რაც ირაკლი ალასანიამ აღიარა, რომ 2008 წლის ომის ინიციატორი რუსეთი იყო, სხვა დიდ კითხვებზე პასუხის მიღების აქტუალობამ იმატა. ქრონოლოგიურად მოვყვები. აი, პირველი. ამდენი წლის სპეკულაციის, ჭორის, მინიშნების, ჩურჩულის, ღრმად ჩასუნთქვისა და ამოოხვრის, მრავალმნიშვნელოვანი გრიმასის, თვალის პაჭუნის, თვალების ქაჩვისა და თვალების ბრიალის, ძარღვების დაბერვის, თავის კანტურისა და თავის მოგიჟიანების, ტუჩების მოპრუწვისა და ტუჩების წკლაპუნის, თითის გაშვერის და თითის მოკაკვის, დედის ფიცებისა და დედის გინების, ვიდეომონტაჟის, ფოტოშოპის, და ათასი სხვა ჯანდაბისა და დოზანის შემდეგ, "ქართული ოცნების" მთავრობა ვერაფრის დიდებით ვერ გაექცევა პასუხს კითხვაზე: იყო თუ არა სწორი ზურაბ ჟვანიას გარდაცვალების ოფიციალური დასკვნა?“,-წერს კახა ლომაია.