ირაკლი ღარიბაშვილი სოფელ კეხიჯვარს ეწვია

პოლიტიკა - 17:14, 12 May, 2014

1466

საქართველოს პრემიერ-მინისტრმა ირაკლი ღარიბაშვილმა ქარელის რაიონის სოფელ კეხიჯვარში მოსახლეობასთან შეხვედრა გამართა.მთავრობის მეთაურმა ადგილობრივების პრობლემები მოისმინა და მათ გადაჭრის გზებზე ისაუბრა.
მოსახლეობას ძირითადად გაზიფიცირების პრობლემა, ხიდების, ასევე დაწყებითი სკოლის რეაბილიტაციის საკითხი აწუხებს.
პრემიერის თქმით, შარშან სახელმწიფომ ყურძნის სუბსიდირება მოახდინა, წელს კი გადაწყვეტილია, რომ ვაშლის სუბსიდირება მოხდება.
ირაკლი ღარიბაშვილმა ადგილობრივებს რეგიონში მიმდინარე პროექტებზე მიაწოდა ინფორმაცია და ხელისუფლების უახლოეს გეგმებზე დეტალურად ისაუბრა.
პრემიერის ინფორმაციით, რეგიონში გარემონტდა ამბულატორიები, სოფელ ტყვიავში კი უახლოეს მომავალში ახალი საავადმყოფო აშენდება.
ირაკლი ღარიბაშვილი სოფლის მეურნეობის მიმართულებით განხორციელებულ პროექტებსაც შეეხო და განაცხადა, რომ შიდა ქართლში 2014 წელს 75 ათასამდე მცირემიწიანი ფერმერი 8 მილიონ ლარზე მეტი ოდენობის სახელმწიფო დახმარებას მიიღებს.
ამასთან, როგორც მთავრობის მეთაურმა განმარტა,2013 წელს შიდა ქართლში გაიწმინდა და მოწესრიგდასაირიგაციო არხები, სამელიორაციოინფრასტრუქტურის ტექნიკური ექსპლუატაციის სამუშაოგეგმის ფარგლებში კი მილიონი ლარის სამუშაოები განხორციელდება.
საქართველოს პრემიერ-მინისტრმა წყალმომარაგების პრობლემაზეც ისაუბრა და აღნიშნა, რომ ქსელის რეაბილიტაცია ყველა რაიონში ინტენსიურად მიმდინარეობს, რის შედეგადაც მოსახლეობას 24 საათიანი წყალმომარაგება ექნება.