პარტია "ერთიანი ნაციონალური მოძრაობის" თბილისის ორგანიზაციის ხელმძღვანელი გიგი უგულავა აცხადებს, რომ ის ჩანაწერები, რომელიც ტელეკომპანია „რუსთავი 2“-მა გაავრცელა ავთენტურია.

მისივე თქმით ხელისუფლება პრემიერ ირაკლი ღარიბაშვილის შს მინისტრობის დროს ჩადენილი დანაშაულის დაფარვას ცდილობს.

"ეს ვაქჰანალია, რომელსაც უმრავლესობის მხრიდან ვხედავთ, არის მცდელობა იმისა, რომ „გააპრავონ“ საკუთარი მთავრობის თავმჯდომარის ირაკლი ღარიბაშვილის შს მინისტრობის დროს ჩადენილი დანაშაული. ეს შეუიარაღებელი თვალითაც ჩანს. ვადასტურებ, რომ თავად ჩემი საუბარი ნამდვილად ავთენტურია. მავნებლურია ის, რომ ეს საუბარი იწერება და შს სამინისტრო იმდენად დაემსგავსა ქარვასლას, რომ საცერივით ცრის ასეთ ინფორმაციებს, რაც უკვე საზოგადოებისთვის საფრთხის შემცველია“,-განაცხადა უგულავამ.