უმცირესობის წევრი გოგა ხაჩიძე შს მინისტრის მიერ „რუსთავი 2“-ზე გასულ ჩანაწერებთან დაკავშირებით გაკეთებულ განცხადებას ეხმაურება.

„მოკლედ და პირდაპირ!...ერთი არ გიპოვიათ პორტატული აპარატურა, რომელიც თურმე შსს-დან მოვიპარეთ და ვიღაცეების მოსასმენად ვიყენებთ, ღიად ჩავთვლი, რომ ცრუპენტელა ლენჩები და უუნაროები ხართ!

მინიშნება: ჭიკაიძე! იქ ეძებე, სადაც საბურავებს ვინახავთ!

p.s. ვ.თ.პ.უ. (ვაი თქვენს პატრონს უბედურს)“, - წერს ხაჩიძე „ფეისბუქზე“.

საქართველოს შინაგან საქმეთა მინისტრი ალექსანდრე ჭიკაიძე „რუსთავი 2“-ის მიერ გამოქვეყნებულ ჩანაწერებს ეხმაურება.

მისი თქმით, არსებობს კუდ-ის თანამშრომლების ჩვენებები, რომ მოსასმენი აპარატურა "ერთ-ერთ ღამეს დატვირთეს და მოდულის შენობიდან გაიტანეს".

ჭიკაიძის განმარტებით, აღნიშნული ფაქტი შს უწყებაში ირაკლი ღარიბაშვილის მისვლამდე მოხდა.