ლგბტ პირთა უფლებადამცველი ორგანიზაცია „იდენტობა“ შესაძლო ძალადობის გამო 17 მაისის საჯარო სივრცეში აღნიშნვანს არ აპირებს. „იდენტობამ“ ამისათვის ინტერნეტ პლათფორმა შექმნა.

ორგანიზაციის ხელმძღვანელის ირაკლი ვაჭარაძის განცხადებით, სახელმწიფო არის დაშინებული ეკლესიისგან და მას არ შეუძლია დაიცვას ჰომოფობიასა და ტრანსფობიასთან ბრძოლის დღის აღსანიშნავად შეკრებილი ადამაინები, ამიტომ ისინი უარს ამბობენს საჯარო სივრცეში შეკრებაზე.

ლგბტ უფლებების დამცველმა ორგანიზაციამ "იდენტობა" შექმნა ვებგვერდი, სადაც მოქალაქეებს შეეძლებათ ჰომოფობიის, ბიფობიისა და ტრანსფობიასთან ბრძოლის თემაზე ჩაწერონ ვიდეო მიმართვა, დაწეროს ესსე, შექმნას პოსტერი ან სლოგანი, რომლებიც ამ ბლოგზე მოგროვდება.

"არასერიოზულია, როცა ადამიანთა უფლებების ჯინაზე აკეთებ რამეს. სასაცილოა, როცა ოჯახის სიწმინდეს ქადაგებს ეკლესიის წარმომადგენლები, რომელთა დიდ ნაწილს არც ოჯახი ჰყავთ და არც შვილები. მგონია, რომ ეს არის მოწოდება, რომ რაც შეიძლება დიდი რაოდენობის ადამიანები გამოიყვანონ ქუჩაში და თუ რამე მოხდება ეკლესია პასუხისმგებლობას აიცილებს თავიდან და იტყვის, რომ მან სხვა მიზნით გამოიყვანა ქუჩაში ადამიანები", - აცხადებს ვაჭარაძე.