მთავარი პროკურატურა დატოვა რუსთავი 2-ის გენერალურმა დირექტორმა ნიკა გვარამიამ. პროკურატურიდან გამოსვლის შემდეგ მან ჟურნალისტებთან კომენტარი გააკეთა.

,,გამოძიების შეკთხვები ეხებოდა მხოლოდ და მხოლოდ რუსთავის 2-ის ხელმძღვანელების ფარულ ჩანაწერებს, ვიდეო თვალთვალს და ამ მასალებს და დღეს გავაკეთეთ კომენტარები იმასთან დაკავშირებით, თუ რა იყო ჩვენთვის ცნობილი რუსთავი 2-ში შემოწმებასთან დაკავშირებით, ვინ იყო კოვზიაშვილი, ვინ იყო ბუნტურიძე, საიდან მოხვდენნე ისინი რუსთავი 2-ში, მათ ჩვენებებთან დაკავშირებით იყო დღეს დასმული შეკითხვები. რაც შეეხება მეორე ნაწილს, ახალ საქმეს, რომელიც სისხლის სამართლის 158-ე მუხლით აღიძრა და ეხება ფარული მოსმენების გავრცელებას, ამასთან დაკავშირებით არ ყოფილა დღეს შეკითხვები, ეს არ არის ამ პროკურორის წარმოებაში და დაგვიანონსეს, რომ ამაზე მომავალში დავიკითხებით. ის რაც ვისაუბრეთ ბრიფინგზე იყო ამომწურავი ინფორმაცია და გავიმეორეთ იქაც, ერთადერთი რაც დავაფიქსირეთ არის ის, რომ ბუნტურიძის და კოვზიაშვილის ჩვენებები არის ცრუ ჩვენებები, პროკურატურა თავის ბრიფინგზე დაეყრდნო ამ ცრუ ჩვენებებს, იმიტომ რომ ჩვენ სამი საათია ამ შენობაში ვართ, შეეძლოთ ამ ჩვენებების რეალობა ჩვენთანაც გადაემოწმებინა, რადგან ეს არ გააკეთეს, ჩენი ვარაუდია, რომ პროკურატურის და სხვა სამართალდამცავი სტრუქტურების ინტერესში შედის, რომ გავრცელდეს ჩვენი ტელეკომპანიის რეპუტაციის შემლახველი ჩვენებები, ე.წ. შუალედური დასკვნის თუ რაღაც ამდაგვარი განცხადებების სახით, რასაც არ იცნობს კანონმდებლობა და სწორედ ამიტომაც ვვარაუდობთ, რომ ამ ცრუ მოწმეების ჩვენებები არის სწორედაც სამართალდამცავების კარნახით დაწერილი, იმდენად, რამდენადაც მათ შეთითხნილ ვერსიას ამყარებს, რომელსაც არანაირი საერთო არ აქვს სინამდვილესთან“, - აცხადებს გვარამია.