ლევან იზორია: ,,უკანონო ჩანაწერების შენახვის ფაქტიც უკანონობაა"

პოლიტიკა - 12:04, 11 May, 2014

2062

შინაგან საქმეთა მინისტრის მოადგილის ლევან იზორიას განცხადებით, მოსმენებზე მონოპოლია მარტო სახელმწიფოს არ აქვს.– ამის შესახებ იზორიამ განცხადება ტელეკომპანია "რუსთავი-2"-ის მიერ გუშინ გავრცელებულ ფარულ სატელეფონო საუბრების კომენტირებისას გააკეთა.

შს მინისტრის მოადგილის თქმით, ტექნიკა თავის დროზე იქნა შეძენილი, მაგრამ დღეს იგი არსად აღირიცხება, არ არის ბალანსზე, შესაბამისად, დაკარგულია. სწორედ ამიტომ არსებობს დიდი ალბათობა და ეჭვი, რომ ამ ტექნიკას ვიღაცა იყენებს. რაც შეეხება ტელეკომპანიის მიერ ფარული ჩანაწერების შენახვისა და გავრცელების ფაქტს, იზორიას განმარტებით, უკანონო ჩანაწერების შენახვის ფაქტიც უკანონობაა და "რუსთავი 2"-ის გენერალური დირექტორი ნიკა გვარამია ამის შესახებ ინფორმირებული იქნება.
"რაც შეეხება ზოგადად პორტატულ აპარატურას, როგორც გითხარით, არსებობდა საფუძვლიანი, ოპერატიული ინფორმაცია, კონკრეტული ჩვენებები შინაგან საქმეთა სამინისტროს ყოფილი თანამშრომლებისგან, რომ ეს ტექნიკა თავის დროზე იქნა შეძენილი, მაგრამ დღეს იგი არსად აღირიცხება, არ არის ბალანსზე, შესაბამისად, დაკარგულია და არსებობს დიდი ალბათობა და ეჭვი, რომ ამ ტექნიკას ვიღაცა იყენებს. ანუ ამ ტექნიკით, შესაძლებელია, გვისმენენ ჩვენ და ერთსაც ვიტყვი, სახელმწიფოს არა აქვს მარტო მონოპოლია მოსმენებზე, ანუ აქ ლაპარაკია კანონიერ მოსმენებზე. მოსმენები შესაძლებელია ყველა სუბიექტის მიერ განხორციელდეს ამ შემთხვევაში, თუ აქვს ეს პორტატული აპარატურა.ეს არის უკანონობა, ამიტომ ამაზე პროკურატურაც იტყვის თავის სათქმელს, ბუნებრივია. როგორც ვიცი, ნიკა გვარამია მოწმის სახით დაბარებულია პროკურატურაში და ამაზეც იქნება ინფორმირებული", - განაცხადა იზორიამ.