საარჩევნო და პოლიტიკური ტექნოლოგიების კვლევის ცენტრის დირექტორი კახა კახიშვილი ტელეკომპანია "რუსთავი-2 -ის მიერ გავრცელებულ აუდიო მასალასთან დაკავშირებით საკუთარ მოსაზრებას სოციალურ ქსელში გამოთქვამს.

"რუსთავი 2 ის მიერ გავრცელებული ჩანაწერები შეეხება მხოლოდ 2013 წლის პერიოდს. ჩანაწერების შინაარსიდან ჩანს, რომ ჯერ კიდევ მიშა იყო პრეზიდენტი. სახელმწიფო დაცვის სპეციალურ სამსახურსაც, რომელიც მიშას დაქვემდებარებაში იყო, ჰქონდა ტელეფონების მოსმენის საშუალება, ამიტომ, ჩემი აზრით, ცალსახად იმის მტკიცება, რომ შსს უსმენდა რუსთავი 2 მიერ გავრცელებული ჩანაწერების საფუძველზე შეუძლებელია. თუმცა შსს -მ ნამდვილად უნდა დაადგინოს ამ ჩანაწერების შემსრულებელი", - წერს "ფეისბუქზე" კახიშვილი.