ირაკლი ალასანია - ჩვენი გუნდის ზოგიერთი წევრი ვერ აცნობიერებს მოსალოდნელ საფრთხეს

პოლიტიკა - 16:43, 10 May, 2014

2343

საქართველოს თავდაცვის მინისტრი ირაკლი ალასანია მიიჩნევს, რომ მთავრობაში შესაძლოა იყვნენ ისეთი პირები, რომელთაც არ ესმით საქართველოში ნატოს თავდაცვითი სისტემის განლაგების აუცილებლობა.
ამ კომენტარით ალასანია ტელეკომპანია „იმედის“ გადაცემა „რეაქციაში“ ხელისუფლების რამდენიმე წარმომადგენლის მიერ მის წინააღმდეგ გაკეთებულ განცხადებებს გამოეხმაურა:

„როდესაც მე საერთაშორისო ფორუმზე, ამერიკის შეერთებულ შტატებში ვსაუბრობდი ნატოს პასუხზე რუსეთის აგრესიის მიმართ, აბსოლუტურად ლოგიკური და ბუნებრივი იყო მეხსენებინა, რომ თუკი სერიოზულად გინდათ პასუხი გასცეთ ამ გამოწვევას, თქვენ უნდა დაიწყოთ სამხედრო შემაკავებლის განთავსება აღმოსავლეთ ევროპაში. მე როგორც თავდაცვის მინისტრი ვითხოვ შეიარაღებას რა თქმა უნდა, ეს ჩვენი ბიუჯეტის, ჩვენი შესაძლებლობების შესაბამისად ეტაპობრივად უნდა გაკეთდეს. ჩემი საქმეა, რომ თავდაცვისუნარიანობა ავამაღლოთ და შეიძლება ჩვენი გუნდის ზოგიერთ წევრს ბოლომდე არ აქვს გააზრებული ის საფრთხე, რომლის წინაშეც დგას ევროპა, აღმოსავლეთ ევროპაც, მათ შორის ჩვენც, მე ყველაზე ვიძახი ვისაც ასეთი განცხადება აქვს გაკეთებული, ჩვენი ამოცანა იქნება, რაც შეიძლება მეტად პარლამენტშიც, ნთავრობაშიც, ყველს ავუხსნათ ტუ რას ნიშნავს ჩვენი ქვეყნისთვის ისეთი შეიარაღება რომელიც აუცილებელია, რომ ჩვენი ცა იყოს დაცული“, - განაცხადა ირაკლი ალასანიამ.