საპარლამენტო უმცირესობის წევრი გივი თარგამაძე პრემიერმინისტრ ირაკლი ღარიაბაშვილის განცხადებას ეხმაურება, თინა ბოკუჩავასა და ლევან თარხნიშვილის საოჯახო ურთიერთობასთან დაკავშირებით. თარგამაძე „ფესიბუქის“ საკუთარ გვერდზე წერს, რომ თინა ბოკუჩავა გაუთხოვარია, ლევან თარხნიშვილი და მისი მეუღლე ანი უჩანეიშვილი კი ფლობენ სოციოლოგიურ კომპანია BCG-ს, რომელსაც NDI-ს დაკვეთით კვლევა არასდროს შეუსრულებია:

„გულწრფელად მეგონა, რომ დღეისათვის ჰაკიმ-ფაშას თემა ამოვწურე, მაგრამ რას გაცლის ეს მოუსვენარი ბიჭუნა. ეხლა ვნახე, ინგა გრიგოლიასთან ეთერში ავტორიტეტული სახით როგორ აფრქვევდა სისულელეებს. მაინც გავოცდი. მთელი სახელმწიფო მანქანა ემსახურება და ელემენტალურ ინფორმაციასაც არ ფლობს დალაგებულად.

NDI-სთან პრეტენზია არ მაქვს, მაგრამ ისინი კვლევას ადგილობრივ ორგანიზაციას უკვეთავენ, რომლის მფლობელიც ნაციონალი გამყალბებელი ლევან თარხნიშვილი და მისი ცოლი თინათინ ბოკუჩავააო. ეხლა მომისმინე, შვილო: თიკა ბოკუჩავა გაუთხოვარია; ლევან თარხნიშვილი და მისი მეუღლე ანი უჩანეიშვილი ფლობენ სოციოლოგიურ კომპანია BCG-ს, რომელსაც NDI-ს დაკვეთით კვლევა არასდროს არ შეუსრულებია;

NDI-ს დაკვეთით კვლევებს ასრულებს კავკასიის კვლევების რესურს ცენტრი, რომლის პირველი დირექტორი ლევან თარხნიშვილი იყო წლების წინ, მაგრამ ხოლოდ დირექტორი, დამფუძნებელი კი ფონდი "ევრაზიაა", რომლის მიმართაც პრეტენზიები არ უნდა გქონდეთ. ჰო, ერთი დეტალიც, ალბათ დაგაინტერესებს და რადგან ვისაც ევალება, არ გეუბნებიან, მე გეტყვი: ლევან თარხნიშვილისა და მისი მეუღლის BCG-ში მთავარ ბუღალტრად თითქმის პირველი ოქტომბრის არჩევნებამდე აბა თუ მიხვდები ვინ მუშაობდა? თქვენი მერობის კანდიდატი დავით ნარმანია! ხოდა ჩამოყალიბდი, ნარმანიას ენდობი, თუ არა:) როცა გაგიჭირდება, მომმართე, არ დავიზარებ და გაგანათლებ ხოლმე, ეთერში ეგრე სულელურად რომ არ გამოიყურებოდე. მაინც ჩემი ქვეყნის პრემიერმინისტრი ხარ", - მიმართავს თარგამაძე ღარიბაშვილს“, - წერს გივი თარგამაძე.