ტელეკომპანია იმედის ეთერში გადაცემა რეაქციაში წამყვანმა ფინანსთა მინისტრს ნოდარ ხადურს რესტორნებში დახარჯულ თანხებთან დაკავშირებით კითხვები დაუსვა, რამაც მინისტრის გაღიზიანება გამოიწვია.

„მეგონა, რომ სერიოზულ გადაცემაში მოვდიოდი“, უპასუხა ხადურმა გრიგოლიას.

„როდესაც საქართველოში ჩამოვიდა 15 ქვეყნის ფინანსთა მინისტრი, მათ შორის ევროკავშირის 7 ქვეყნიდან, ჰოლანდიის ფინანსთა მინისტრი, ბელგიის ფინანსთა მინისტრი, მაშინ, როდესაც ჩამოვიდნენ ამ ქვეყნების ეროვნული ბანკის პრეზიდენტები, როცა ჩამობრძანდა იმავე პერიოდში მსოფლიო ბანკისა და სავალუტო ფონდის დირექტორები. როგორ ფიქრობთ ახლა ამ დელეგაციას არ უნდა გავუმასპინძლდეთ?! თუ ფინასთა მინისტრს მეტი ვერაფერი უპოვეს, რომ მაღალი დონის სტუმრებს ხვდება, ძალიან კარგად ყოფილა ქვეყანაში საქმე“, - განაცხადა ნოდარ ხადურმა. ხადურის ამ განცხადებას პრემიემინისტრ ირაკლი ღარიბაშვილის ხუმრობა მოყვა: „ჰკითხეთ, რამდენი კილო დაიკლო“, მიმართა რარიბაშვილმა გრიგოლიას. შეკითხვას ნოდარ ხადურმა ხუმრობითვე უპასუხა, 15 კილო დავიკელი და კიდევ დავიკლებ მაგდენს პირობას გაძლევთ“, - განაცხადა ნოდარ ხადურმა.