"მივმართავ ბადაშვილს, გამოძიეთ ბუნტურიძეს ქონება საიდან აქვს დაგროვილი"

პოლიტიკა - 23:42, 09 May, 2014

2404

საპარლამენტო უმრავლესობის წევრი მანანა კობახიძე „რუსთავი 2“-ის ეთერში ტელეკომპანიის დაცვის ყოფილ უფროსზე ვლადიმერ ბუნტურიძეზე საუბრობს. კობახიძემ საქართველოს მთავარ პროკურორს გიორგი ბადაშვილს მიმართა გამოიძიოს საიდან აქვს ბუნტურიძეს დაგროვილი ქონება.
„ამ საქმესთან დაკავშირებით თუ ბუნტურიძეს რაიმე შეხება აქვს, რა თქმა უნდა პროკურატურამ ის ადამაინი უნდა დაკითხოს თუ იკვეთება მტკიცებულებები, რომ ამ ადამიანმა რაიმე შეიძლება იცის ამ საქმეზე რა თქმა უნდა, პროკურატურა ამით დაინტერესდება და დაკითხავენ არ არის პრობლემა. ადამიანი რომელიც „რუსთავი 2“-ში მუშაობდა სხვაგან მუშაობის უფლება არ აქვს? საჯარო სამსახურში წასვლის უფლება არ აქვს, რაც შეეხება ქონებას საჯარო მოხელე თუ გახდა, რა თქმა უნდა, შეავსებს დეკლარაციას ეს ღიაა და საჯაროა“, - განაცხადა მანანა კობახიძემ.

კობახიძის საპასუხოდ ვაშაძემ აღნიშნა, - „ადამიანი იყო „რუსთავი 2“-ის დაცვის უფროსი და დაწინაურდა სასჯელაღსრულების სამინისტროში მაღალ თანამდებობაზე და ამის შემდეგ უკვე გაუჩნდა ქონება, კითხვა არ გიჩნდებათ?!
„მივმართავ გიორგი ბადაშვილს გამოძიეთ ბუნტურიძეს ქონება საიდან აქვს დაგროვილი, კმაყოფილი ხართ ახლა?!“, - განაცხადა თავის მიმართვაში მანანა კობახიძემ.
ვაშაძე: "ხვალ შეიძლება მოგიბრუნდეთ და გითხრას არ ვიძიებთო და მერე იტყვით არ იყო გამოსაძიებელიო“.