ირაკლი ღარიბაშვილს „რუსთავი 2“-ის ჟურნალისტები ეცოდება

პოლიტიკა - 22:30, 09 May, 2014

2098

საქართველოს პრემიერმინისტრმა ირაკლი ღარიბაშვილმა ტელეკომპანია „რუსთავი 2“-თან დაკავშირებულ მოვლენებზე კომენტარი გააკეთა.
ღარიბაშვილის განცხადებით, ტელეკომპანიაში პროფესიონალი ჟურნალისტები მუშაობენ, მაგრამ მათ „რუსთავი 2“-ის ჟურნალისტები ეცოდება, „რადგან ისინი „ნაციონალური მოძრაობის“ პოლიტიკურ ნებას ასრულებენ“:
„რაც შეეხება „რუსთავი 2“-ის ე.წ. სკანდალს, მე არ ვაპირებდი ამაზე საუბარს, ძალიან სამწუხაროა ის, რაც ხდება დღეს საქართველოში, მე მსურს ვრცელი კომენტარი გავაკეთო, თუ გადავხედავთ რა მეთოდებით იბრძვიან ჩვენი ოპონენტები, სამწუხარო რეალობაა ის, რომ „რუსთავი 2“-ის ხელმძღვანელობა ჩართულია „ნაციონალური მოძრაობის“ კამპანიაში, ეს ძალიან სამწუხაროა, რადგან იქ ძალიან ბევრი პროფესიონალი მუშაობს, მსურს თითოეული მათგანის მიმართ პატივისცემა გამოვხატო, მე ვიცი რომ არიან გულწრფელები და ასრულებენ იმ საქმეს, რომელიც ძალიან უყვართ, სამწუხაროა მათ შესაძებლობებს ძალიან ცუდად, რომ იყენებენ პოლიტიკური პარტიები, ჩვენ დღეს პირდაპირი ბრალდებები მოვისმინეთ ხელმძღვანებლობის მხრიდან, რომ ამ ყველაფრის უკან დგას თურმე დღევანდელი ხელისუფლება, კონკრეტულად მე მადანაშაულებენ, მე მსურს შევახსენო საზოაგდოებას, რომ ეს ადამიანი და ზოგადად ის ადამიანები, რომლებიც დღეს ამ ე.წ. სიმართლეს ამტკიცებენ, ამავე წარმატებით ამტკიცებდნენ იმ სიცრუეს, რომელსაც უკეთებდნენ ტირაჟირებას, ეს არის პროვოკაცია ჩვენი ხელისუფლების წინააღმდეგ.

მე ვიყავი ის ერთერთი მთავარი ინიციატორი, რომელმაც გაანადგურა ასობით და ათასობით ვიდეო და აუდიო ფაილი, რომელიც ჩვენ მას შემდეგ აღმოვაჩინეთ, რაც ხელისუფლებაში მოვედით, მოხდა უპრეცენდენტო ფაქტი, ამას აღნიშნავდა ყველა, ევროპაშიც და ამერიკაშიც, დაიმსახურა საყოველთაო მოწონება და მხარდაჭერა. როდესაც ჩვენ ამას ვამბობთ ვამბობთ მტკიცედ, ეს არის ჩვენი პოლიტიკური ნება, ამ ადამიანებმა შეიძლება დაგვაბრალონ ყველაფერი, კერძოდ „რუსთავი 2“-ის ხელმძღვანელობა. მე მეცოდებიან ის ჟურნალისტები რომლებიც „რუსთავი 2“-ში მუშაობენ. „რუსთავი 2“-თან დაკავშირებით ჩვენი ხელისუფლება არაფერ შუაშია. დაადგინოს გამოძიებამ ობიექტური სიმართლე“, - განაცხადა ირაკლი ღარიბაშვილმა.