საქართველოს თავდაცვის მინისტრის მოადგილე ვაკო ავალიანი ირაკლი ალასანიას მიმართ მთავრობის წევრების მიერ გაკეთებულ განცხადებებს პასუხობს. ავალიანის განცხადებით, თავდაცვის მინისტრი ატარებს იმ კურსს რომელსაც საქართველოს პრემირმინისტრი განსაზღვრავს:

„საქართველოს თავდაცვის მინისტრი არის ირაკლი ღარიბაშვილის მთავრობის წევრი და შესაბამისად ის აჟღერებს იმ პოზიციას და ატარებს იმ კურსს, რომელსაც საზღვრავს საქართველოს მთავრობის ხელმძღვანელი, ბატონი ირაკლი ღარიბაშვილი“, - განაცხადა ვაკო ავალიანმა.

საქართველოში ნატოს თავდაცვითი სისტემის განლაგებასთან დაკავშირებით ალასანიას განცხადებას სამთავრობო გუნდმა კრიტიკული განცხადებებით უპასუხა. ირინა იმერლიშვილის თქმით, ირაკლი ალასანიამ მსგავსი განცხადებები მთავარსარდალთან უნდა შეათანხმოს.