საპარლამენტო უმცირესობის წევრი გიორგი კანდელაკი სოციალურ ქსელ „ფეისბუქში“ მიმდინარე წელს 26 მაისს სამხედრო აღლუმის ჩატარებასთან დაკავშირებით კომენტარს აკეთებს. კანდელაკი დაინტერესებას გამოხატავს იმასთან დაკავშირებით, თუ რატომ არ ტარდება წელს სამხედრო აღლუმი:

„რატომ არ ტარდება სამხედრო აღლუმი არც წლევანდელ 26 მაისს? პასუხი მარტივია - სქართველოში არის მთავრობა რომელსაც ეთაკილება სახელმწიფოებრიობის ნიშნების დემონსტრირება. ეს გასაკვირი არაა: ადამიანებს რომლებიც იარაღით ხელში გამოდიოდნენ ამ ქვეყნის წინააღმდეგ მთავრობა გმირებად რაცხავს (რუსეთის ჯაშუშები, ამბოხებულნი, სულ ბოლოს კვიციანი რომელსაც 35 პარლამენტის წევრი უდგება თავდებში, თამარ კორძაიას ჩათვლით) ხოლო ის ვინც რუსული სპეცსამსახურების პარპაშს ამ ქვეყანაში წარმატებულად ებრძოდა ან ციხეში ყრის ან საერთოდ კლავს (ოფიცრები შამათავა და გორგოძე, ოფიცერი თათუხაშვილი და სხვები).

გვახსოვს ივანიშვილის ცნობილი მორიგი წამოცდენა - საქართველო საბჭოთა კავშირის დროს რომ მდგომარეობა ჰქონდა სწორედ იმას უნდა ესწრაფოდესო. ალასანიას და მარგველაშვილის მიჭირხვნის დეკლარირებული პოლიტიკა და ინტრიგებიც არის, თუმცა უფრო მეორხარისხოვანია. მთავარი კი სწორედ ისაა რომ ივანიშვილს, პარლამენტის ფაქტიურ თავმჯდომარე და კომპარტიის ცეკას ყოფილ ინსტრუქტორ ვოლსკის და მათ მეგობარ-კოლეგებს ცნება პატრიოტიზმის ახლოსაც არ გაუვლიათ, სამწუხაროდ“, - წერს კანდელაკი.