საქართველოს უშიშროების საბჭოს მდივანი ირინა იმერლშვილი საქართველოში ნატოს თავდაცვის სისტემის განთავსებასთან დაკავშირებით კომენტარს აკეთებს. იმერლიშვილის განმარტებით, ირაკლი ალასანიას თავდაცვის სისტემის განლაგებასთან დაკავშირებული განცხადების გაკეთებამდე ყოველივე ქვეყნის მთავარსარდალთან უნდა შეეთანხმებინა:

„როგორც აპატურაიმ განაცხადა, საქართველოში ნატო-ს თავდაცვის სისტემების განთავსებაზე ნატო იმსჯელებს. თავისთავად ეს ფაქტი უკვე კარგია, თუმცა, როცა თავდაცვის მინისტრი ასეთ განცხადებას აკეთებს, წინასწარ უნდა იყოს შეთანხმებული ქვეყნის მთავარსარდალთან და უშიშროების საბჭოც უნდა ყოფილიყო აღნიშნულთან ჩართული, თუმცა რა თქმა უნდა, აღნიშნულ ინიციატივას ვეთანხმები და მივესალმები“, - განაცხადა იმერლიშვილმა.

საქართველოში ნატო-ს თავდაცვის სისტემების განთავსებაზე თავდაცვის მინისტრმა ირაკლი ალასანიამ ნატო-ს მიმართა.