კოალიცია "ქართული ოცნების" თბილისის მერობის კანდიდატის დავით ნარმანიას განცხადებით, იგი მზად არის ყველა კანდიდატთან დებატებში დაჯდეს. აღნიშნული განცხადება, ნარმანიამ ნიკა მელიას შეთავაზების საპასუხოდ გააკეთა:

"ჩვენ მზად ვართ, ყველა კანდიდატთან ერთობლივ დებატებში მივიღოთ მონაწილეობა", - აღნიშნა ნარმანიამ.

ნარმანიამ „ერთიანი ნაციონალური მოძრაობის“ გუშინდელ ყრილობაზეც ისაუბრა:

"რაც შეეხება ცალკეულ ინიციატივებს, რომელიც გუშინდელ ყრილობაზე დასახალდა, მათ შორის აქციზის გადასახადების კლებასთან დაკავიშრებით, არ განეკუთვნება ადგილობრივი თვითმმართველობის უფლებამოსილებას. ვერც თბილისის მერია და ვერც საკრებულო ვერანაირად ვერ შეამცირებს გადასახადს, ისევე როგორც ვერანაირად ვერ შეამცირებს იმ ტარიფებს, რომლებიც ბევრი თვალსაზრისით არსებობს. აქედან გამომდინარე, ოპონენტებს ვურჩევ, რომ თავიანთ დაპირებებში კარგად ჩაიხედონ, რადგან თბილისის მოსახლეობამ ძალიან კარგად იცის იმ უფლებამოსილებების შესახებ, რომელიც ადგილობრივ თვითმმართველობას აქვს", - აღნიშნა ნარმანიამ.