„ნაციონალური მოძრაობის“ თბილისის მერობის კანდიდატმა ნიკა მელია ვეტერანებს და საზოგადოებას ფაშიზმზე გამარჯვების 69-ე წლისთავს ულოცავს. მელიამ ცოტა ხნის წინ უცნობი ჯარისკაცის საფლავი გვირგვინით შეამკო.

„ვინც აქ იკრიბება, ყველამ თავის დროზე თავი დადო ფაშიზმდე ბრძოლაში. სამწუხაროდ რაც უფრო დრო გადის მცირდება მათი რაოდენობა. ჩვენი პირდაპირი მოვალეობაა, რომ ამ ხალხს მოვეფეროთ და ვაგრძნობინოთ, რომ ის დიდი ღვაწლი და ამაგი, რომელიც მათ წლების წინ დათესეს დაკარგული არ არის და ჩვენ ეს გვახსოვს, განსაკუთრებით ახალ თაობას“, - განაცხადა ნიკა მელიამ.

უცნობის ჯარისკაცის საფლავთან უკვე იმყოფებოდა პარლამენტის თავჯდომარე დავით უსუფაშვილი. ასევე საპარლამენტო უმცირესობის და უმრავლესობის წარმომადგენლები.