პარლამენტის ვიცე სპიკერი მანანა კობახიძე NDI-ის კვლევების იმ ნაწილს ეხმაურება, სადაც მთავრობის პირების რეიტინგია წარმოდგენილი.

კობახიძეს უკვირს თუ რატომ აქვს თავდაცვის მინისტრს პრემიერზე მეტი რეიტინგი. თუმცა განმარტავს, რომ კოალიციაში „ციფრების გამო დაპირისპირება არ მოხდება“.

"ცოტა გამიკვირდა. რაღაცნაირად, მუდმივად ასეა. წინა კვლევებშიც საკმაოდ მაღალი რეიტინგი აქვს ირაკლი ალასანიას, მაგრამ რატომ ხდება, რომ ამ შემთხვევაში მისი რეიტინგი ცოტათი წინ არის, ვიდრე ღარიბაშვილის, ვერ გეტყვით. თუმცა, ეს არანაირ პრობლემას არ გააჩენს. ეს მომენტი არავითარი განსჯის საგანი არ გახდება. ჩვენ არ ვეკიდებით ამ ციფრებს, ჩვენ არ აღვიქვამთ ამ ციფრებს რაღაც სერიოზულ ბარომეტრად, რომელსაც უნდა დავეყრდნოთ. ბევრჯერ შემცდარა NDI ამ ციფრებში. მთავარია, რას იტყვის ამომრჩეველი, მთავარია, რა შედეგს დავდებთ არჩევნებში. ფაქტია, რომ ეს ორგანიზაცია ძალიან შეცდა 2012 წლის საპარლამენტო არჩევნებამდე. ჩვენ ერთმანეთს ამ პროცენტების გამო არ დავუპირისპირდებით", - აღნიშნა კობახიძემ ტელეკომპანია "მაესტროს" ეთერში .